影片
更多
2009-07-12
18 浏览
系 openrice睇到多篇中环Fat Angelo's 食评，提到近期表现都系麻麻，于是决定以Fat Angelo's 作为我第一份食评。一行四人就约定7:00开餐，由于工作缠身，结果7:45先到。个肚已经打鼓，好彩之前叫咗D女朋友点定菜，我一到食物刚好上枱。由于唔系我点，见乜就食乜。首先免费沙律，新鲜蔬菜好味！跟住系鸡翼味道合格无话特别出色。接著就系今晚主角出场，自选馅料Pizza ，order时讲明要薄、要焗脆D，结果完全符合要求。馅料分布极度平均，啖啖都有馅食，系食到条Pizza 边先无馅，Pizza 底又够脆，好正！再嚟𠮶D就麻麻地，意大利海鲜饭，味度适中，海鲜有青口、蚬、鱿鱼、鱼肉都新鲜，唯独个饭，系合格，食得出符合大众，咬到唔太硬，但无咗意大利饭应有游离于软硬之间的独特口感。再落嚟系Carbonar意粉，其实味度材料都OK，个意粉就做得太过茶餐厅Feel，实在太符合大众，唔知系咪晚饭时间太多人，D意粉好似茶餐厅预先煮熟咁，定系我以为应该即叫即煮？甜品我地叫咗个Choco Torta 朱古力浓而不太甜，整体好结实、质感好好，好味！最后一款甜品亦是整个愉快晚饭最唔开心的时刻，
再嚟𠮶D就麻麻地，意大利海鲜饭，味度适中，海鲜有青口、蚬、鱿鱼、鱼肉都新鲜，唯独个饭，系合格，食得出符合大众，咬到唔太硬，但无咗意大利饭应有游离于软硬之间的独特口感。
再落嚟系Carbonar意粉，其实味度材料都OK，个意粉就做得太过茶餐厅Feel，实在太符合大众，唔知系咪晚饭时间太多人，D意粉好似茶餐厅预先煮熟咁，定系我以为应该即叫即煮？
甜品我地叫咗个Choco Torta 朱古力浓而不太甜，整体好结实、质感好好，好味！
最后一款甜品亦是整个愉快晚饭最唔开心的时刻，意大利三球雪糕，待应送上我一手接住谂住比Order雪糕嘅女朋友，尽显关怀，点知用来承托碗雪糕的碟，温度应该有慑氏80度，大佬上面系雪糕唔使煮熟吖？唯有叫佢经理过来见下面，佢当然道歉不在话下，话D碗经高温消毒......，我𠮶位女朋友又话OK啦只溶咗小小，系不段道歉下咁就食完。
整体系OK有d 口味我明白到系要迁就大众，我会再去，因为Pizza实在太好味！到时我会同经理Johnny提出我的要求，睇下系咪会好D
张贴
