澳門台山水佬榮火鍋專家 (已結業)

今晚约咗朋友去试航母盛宴，听个名都觉得劲！我地有book枱，6:30上到去，已有好几枱客。餐厅地方略细，枱与枱之间的距离太近，坐得唔算太舒服。另外，只有一个厕所，厕内环境也不好。讲返食物，食物就相对地吸引好多，火㶽包8款海鲜，4款菜，5款自选配料及两只出前一丁。一见到个海鲜㶽，大家D哗！哗声出哂黎！真系好壮观丫！大大只花蟹加鲍鱼巳好吸睛，仲有扇贝，虾，花甲等，全个锅都系海鲜，实在太吸引啦！汤底我地叫咗海底椰鱼汤，完全突出到海鲜的鲜甜😋，一个字正丫。除咗海鲜得之外，原来佢D肉都好掂👍，我地叫咗安格斯肥牛，牛仔粒，云吞同丸。D牛好嫩好食！云吞大大粒虾好爽口，丸类也不错。个餐唔包饮品，我地order 咗一jar 雪梨汁，即榨架，好新鲜👍食哂D𩠌再食埋个出前一丁，饱哂。之后仲有雪米糍做甜品，简直大满足☺️。总括来说，食物冇得顶，价钱合理，只系环境略不够舒适，整体都可以！