半島漁港/阿翁火鍋館

营业中

休息中

天水围有好多酒楼，但做到成日都有人排队呢间算系几成功上星期妈咪好早黎左送我仔返学，消磨时间最好嘅方法就系饮茶，饮茶先可以坐耐啲。我地9点左右去到，都还好不用排队，但都坐满哂人。我地仲大乡里到自己走入去揾位我见知客无叫停我哋，以为未full就唔驶带位，太耐无饮茶了，唔知规矩。呢间酒楼要撘枱的，我哋得两个人难免要同人share，我哋叫左3样野粥+鸭脚扎（孖宝），烧腩卷。食物味道正常，如果个粥可再热啲就更好。佢啲点心都算大，唔会好细粒咁，烧腩卷几好味。对比食物份量同价钱，我觉得性价比几高，真系唔贵，难怪咁多人饮。呢度唯一一样系人手不足 ，我谂间间酒楼都面对呢个问题，呢度面积又大，咩都要等下，好彩佢有个热水壶系枱，自己加水。我哋饮左一个钟左右，10点出到黎劲多人，好多人等紧位，呢日系平日黎，天水围嘅消费力都唔讲得笑，唔系间间屋村酒楼都可咁多人，佢有咁多人帮衬一定有自己优势。