蘇媽.蘇媽馬來西亞茶餐室 (已結業)

行完山走落黎呢间餐厅，朋友见门面几靓，决定拎张飞，排左15分钟先有得食，不过门口个侍应都几识做，唔会要人白等，叫我地行个圈再返黎。店舖装修都几新净，好多招牌，都几有特色，最紧要张枱都好干净，地板都干净，我原本打算叫个招牌老鼠粉食下就算，加个桔仔冰。点知老鼠粉好好味，佢声称几辣，但一D都唔辣，反而好好味，于是我地系咁加单，叫多左个椰浆饭，有少少似海南鸡饭D饭，但有椰子味，而且绿色饭好得意，之后又叫多个炒蚬，鱼仔酱好味道，D汁好正。串烧方面都唔错，不过最正系肉骨茶，我就唔识食骨，所以叫左个豆卜金菇，几入味，不过最正系举手呢佢就会帮你再添肉骨茶，饮到够为止，我FD话一字骨好好味，至于鱼仔酱萝卜糕，用黎当糖水都唔错。佢D碗都几得意，细细个，拉茶就似系一般奶茶，不过滑少少，有个爱他爱他的食物，用竹叶包住，原来系鱼肉黎，都唔错，几特别。食完咁多样野刚刚饱，其实佢每样野都系廿、三十蚊左右，平到傻，可惜我地叫左佢半张MENU野食，所以埋单每人都要一旧水，诚意推介像埋桔仔冰，食辣野像桔仔冰简直系种享受。其实佢位唔系好多，但都冇催我地走，好人。