影片
更多
2021-10-24
6436 浏览
好多改善空间既任食烧烤未帮衬前睇到好多负评，但由于天气凉凉地，又玩完独木舟，地点好就脚，就试下佢，睇下有冇啲评论讲得咁差入场：买票只可以用现金，以周末每位238价钱来讲，只收现金真系唔系太flexible, 而家唔系咁多人有好多现金在身，地点又唔系近市中心提款机🏧，除非真系非烧不可，否则出左市中心都未必再行返过来啦，入场门口专登整到好细，避免有无比钱既人可以闪左入去时间：基本上系无限时间，下午一点烧到晚上十点，比左钱佢会吸个印在食客手上，即日可无限次出入，食得落既话真系可以食足10粒钟烧烤炉位置：留意返！成人每位价钱只系最「低级」烧烤炉位置，即系有盖场内的烧烤炉，如果要坐「露天」/海景位/上层位，系要以每枱计额外加$100至$200蚊，而每枱系只坐4人.......所以呢个额外费用要计清楚。我同朋友都无所谓坐边，所以就坐最基本个啲枱，即系有盖的烧烤炉，有盖既坏处就系无咁通风，左右隔离都系炉，比较易焗住啲烟，盖顶有会转既大风扇，所以啲烟会不规则地吹来吹去，所有碳会放在场内一角，唔够碳就自己拎个胶桶仔去拎，一开始透炉真系唔好咁大火，否则好大烟，好易焗亲自己烧烤用具配套：每位价钱包既用具有每
未帮衬前睇到好多负评，但由于天气凉凉地，又玩完独木舟，地点好就脚，就试下佢，睇下有冇啲评论讲得咁差
入场：
买票只可以用现金，以周末每位238价钱来讲，只收现金真系唔系太flexible, 而家唔系咁多人有好多现金在身，地点又唔系近市中心提款机🏧，除非真系非烧不可，否则出左市中心都未必再行返过来啦，入场门口专登整到好细，避免有无比钱既人可以闪左入去
时间：
基本上系无限时间，下午一点烧到晚上十点，比左钱佢会吸个印在食客手上，即日可无限次出入，食得落既话真系可以食足10粒钟
烧烤炉位置：
留意返！成人每位价钱只系最「低级」烧烤炉位置，即系有盖场内的烧烤炉，如果要坐「露天」/海景位/上层位，系要以每枱计额外加$100至$200蚊，而每枱系只坐4人.......所以呢个额外费用要计清楚。我同朋友都无所谓坐边，所以就坐最基本个啲枱，即系有盖的烧烤炉，有盖既坏处就系无咁通风，左右隔离都系炉，比较易焗住啲烟，盖顶有会转既大风扇，所以啲烟会不规则地吹来吹去，所有碳会放在场内一角，唔够碳就自己拎个胶桶仔去拎，一开始透炉真系唔好咁大火，否则好大烟，好易焗亲自己
烧烤用具配套：
每位价钱包既用具有每人一只发泡胶碟，一只纸碟，一只胶杯 （用来装汽水），一枝烧烤叉，指定数量的盒装纸巾，指定数量的小胶碗（用来装蜜糖同牛油），我地一行5人就有两盒纸巾同两个小胶碗，呢啲用具系入场时比你，如果唔够碟用或碟唔小心跌左落地，系要再比钱买碟，所以有啲「有经验」食客会自备餐盒，避免要比钱再买碟，仲有好多人会用自备水樽装汽水，因为任饮的汽水是以汽水机形式装的，唔系任拎的罐装饮品，而每人只有一只胶杯，每次饮完都要再行去汽水机，坐得远都几麻烦，如果想任罐装饮品或啤酒，就要额外比钱
另外有些免费任拎用具就系胶叉刀，胶手套，木筷子🥢，碳，简单讲，好多烧烤好需要既工具都需要额外每样付费，例如烧烤网，食物铗，锡纸……
食物及酱料：
任食食物系烧烤最基本野，肠两款，丸类大概三款，黑椒鸡肾，秋刀鱼，咖哩尤鱼，猪颈肉，猪柳扒，猪扒，鸡扒，牛扒，鸡中翼，鸡全翼，红肠，狮子🦁️狗，厚切连皮方包，切片法包，青色灯笼椒，罐头菠萝🍍，粟米🌽，蕃薯🍠，肉类基本上都系腌好哂，我地一行五人一致认为肉类系腌得几好味，这些食物质素系唔错既，我个人都好开心有猪柳扒同厚切方包
任拎既酱料有蜜糖，牛油，一些小包酱料，例如豉油，芥末酱，有些酱要额外付费
总括来讲，呢间野在西页市中心系少少独家既……地点算唔错，行返去码头都系10分钟左右，又近落海位置，配套方面我同朋友都觉得好多基本用具有机会要额外收费，（例如杯碟每人只限一只），倒不如店家在人头费加多少少钱，令整体烧烤经验好啲，当然一定有啲食客觉得用者自付，唔用者唔驶付系好既
如果你咁有心机睇到呢到，记得入场前做好心理同实际准备，祝烧烤愉快
张贴
