影片
更多
2021-04-29
1222 浏览
喺附近返学，附近选择又唔多，想食韩国嘢就只可以拣呢一间，本来真系冇谂住上嚟打评语，但开学到依家都去过4定5次，情况都系冇改善，忍唔住上嚟写，始终要喺呢度读一段时间，希望店主睇到1. 食物味道真系偏淡，大家每次叫唔同嘅菜式都系觉得无咩味。。。搞唔掂唯有要落去𠮶个比较咸嘅辣椒酱。。。2. 石锅饭有时嚟会见到有生蛋系面头，有时就见唔到，以为佢系漏咗落，点知佢同你讲已经放咗喺入边。。。。所以到而家我哋都系唔知，究竟系石锅饭本身入边有蛋碎，定只生蛋早咗落所以有蛋碎喺个锅底。因为见唔到生蛋喺面头嘅时候，我哋同服务员讲话无蛋，佢就会同你讲喺入边，但有时食又会见到生蛋系面头，咁究竟系漏咗放定点，真系好疑惑，好迷。。。。。3.店内通常都会见到一个韩国大叔同一个啊姨做楼面，啊叔主要用唔咸唔淡普通话沟通，啊姨态度同阿叔比较就好好多，啊叔态度就超差。提大家落完单记得要同佢哋Double confirm。。。。因为如果佢落错单，嘢食嚟错咗，啊姨嘅话佢系唔会想换返啱嘅俾你，会局你要。啊叔嘅话佢会话你头先指餐牌系指呢个俾佢，话系你唔啱。。。。总之有咩情况出现都系你错同你自己食返，态度甚差！4. 价钱要问清楚，佢餐牌
1. 食物味道真系偏淡，大家每次叫唔同嘅菜式都系觉得无咩味。。。搞唔掂唯有要落去𠮶个比较咸嘅辣椒酱。。。
2. 石锅饭有时嚟会见到有生蛋系面头，有时就见唔到，以为佢系漏咗落，点知佢同你讲已经放咗喺入边。。。。所以到而家我哋都系唔知，究竟系石锅饭本身入边有蛋碎，定只生蛋早咗落所以有蛋碎喺个锅底。因为见唔到生蛋喺面头嘅时候，我哋同服务员讲话无蛋，佢就会同你讲喺入边，但有时食又会见到生蛋系面头，咁究竟系漏咗放定点，真系好疑惑，好迷。。。。。
3.店内通常都会见到一个韩国大叔同一个啊姨做楼面，啊叔主要用唔咸唔淡普通话沟通，啊姨态度同阿叔比较就好好多，啊叔态度就超差。提大家落完单记得要同佢哋Double confirm。。。。因为如果佢落错单，嘢食嚟错咗，啊姨嘅话佢系唔会想换返啱嘅俾你，会局你要。啊叔嘅话佢会话你头先指餐牌系指呢个俾佢，话系你唔啱。。。。总之有咩情况出现都系你错同你自己食返，态度甚差！
4. 价钱要问清楚，佢餐牌个价钱有机会唔系你埋单嘅价钱。
5. 有咩问题就举手问，唔好因为佢态度差就唔问，始终你系俾钱𠮶个！
-
我只能说我每一次去都有唔同嘅以上情况发生，有同学真系返白眼返到上天花板，所以如无意外系冇得拣嘅情况下我哋都应该唔会再去，价钱又唔系特别平！
-
暂时觉得最唔好食嘅系呢个
$88紫菜卷饭配炒年糕
佢饭嘅质感同7-11买个啲一卷卷紫菜卷饭冻食啲感觉一样，食得出系唔新鲜，唔值呢个价钱。
紫菜卷饭配炒年糕
$88
175 浏览
0 赞好
0 留言
最正常嘅系前菜，坐低就会俾，前菜一张枱有一set，4碟。
前菜
139 浏览
0 赞好
0 留言
张贴
