神戶屋日韓放題

营业中

休息中

今日同朋友出咗旺角兆万中心嘅神户屋日韩放题食晚餐，晚市放题每人$299，仲可以加钱升级大闸蟹放题套餐或海胆生蚝任食套餐。餐厅提供好多款式嘅食物同饮品，有沙律&前菜、炸物&天妇罗、即叫即做嘅和食料理、即叫即做嘅烧物、手握寿司/军舰、卷物&迷你手卷、火炙/黑松露寿司、刺身、火锅汤底及配料、即叫即做嘅面类。入座即送期间限定嘅火锅，我地点咗一个日本和牛寿喜烧，食完可以追加肉类，海鲜等火锅配料。和牛寿喜烧好食，和牛唔韧，火锅里面仲有鸡蛋同菜。我地食完仲点咗肥牛同生菜继续打边炉。另外入座仲送一大盘刺身拼盘，有三文鱼、生蚝、甜虾、海胆等多款刺身，好丰富。我地另外点咗手握寿司同卷物，火炙沙律烧三文鱼腩寿司好食，花之恋口感丰富，牛油果软蟹卷同芝士鳗鱼卷味道都唔错。我地仲点咗唔同种类嘅炸物，有海苔多春鱼天妇罗、松叶蟹棒天妇罗、海老天妇罗、吉列广岛蚝，仲有日本香芋丸同韩国炸鲜奶都几好食。烧物点咗日式汁烧鸡肉串，盐烧青鱼同烧扇贝，鲭鱼同扇贝都好大份，味道唔错。最后一定唔可以错过甜品，有牛乳奶冻、雪糕杯、韩国雪条、雪米磁、泡芙，超多款式，仲有马卡龙同甜品杯，好睇又好食。