燒烤堂

营业中

休息中

早几日冬至，Zaza想搞搞新意思，于是去咗食特色烧烤庆祝🍾 呢度好多串烧都极具特色，喺其他餐厅食唔到🍢焦糖青苹果鹅肝多士厚度十足嘅鹅肝 油脂丰腴，细腻嫩滑；配合酸甜嘅青苹果，中和油腻感🍢豚肉节瓜波棒糖由层层节瓜同层层豚肉，卷成波板糖形嘅串烧，超有心思～ 🍢鸡皮墨鱼滑墨鱼滑爽口弹牙，外层系烟烟韧韧嘅鸡皮，唔止充满鸡油香，好好味🍢尖椒皮蛋烧豆皮呢个串烧同样新奇，喺其他串烧店冇见过～咸香嘅豆皮里包满尖椒皮蛋，辣得好过瘾🍢盐烧鲜三黄鸡腿肉鸡髀肉用料新鲜，好juicy，简单用盐烧已经带出佢嘅鲜味🍢焦糖鳗鱼芝士玉子烧软腍腍又香甜嘅玉子，包裹住半溶嘅芝士同鳗鱼，味道令人回味，好值得推介🍢泰式猪颈肉猪颈肉爽滑，加上秘制泰式酱，酸酸辣辣🍢黑糖烧菠萝清甜菠萝嘅表面被焦香嘅黑糖片包围着，加上冰冰嘅温度，同其他热辣辣嘅串烧，形成鲜明嘅对比🍢甜奶牛油包厚身牛油好滑，而且呈现半溶嘅状态，配搭甜奶，同烘得香脆嘅牛油包，好邪恶🍢牛油蜜糖粟米蜜糖粟米好香，咕吱食晒成条🍢蒜蓉烧生蚝广岛蚝肥美多汁，搭配海量香浓蒜蓉，爱蚝者必食🍢椒盐烧多春鱼比平时屋企平底镬煎嘅多春鱼，香脆好多🍢秘制烧羊架羊架烧到六至七成熟，所以维持到肉质鲜