西香記 (已結業)

今日放假，同男朋友去港岛西一日游。因为瞓晏咗，所以第一站就去食Lunch先。谂起上次喺广州食过一个好好味嘅肉夹馍，但返香港之后都遇唔到，既然今日见到西香记有肉夹馍食，当然去试下啦。今日叫咗依啲:👇(1)金牌肉夹馍(2)孜然牛肉肉夹馍(3)金牌面皮(4)纯手工油拨扯面(5)口水鸡(6)豆浆(1)金牌肉夹馍($20)初见到时，以为会好干，但一咬落去，啲肉汁咇哂出嚟，整到我好狼狈，好彩餐厅有纸巾提供，可以即刻抹干净。依个比较啱我口味。(2)孜然牛肉肉夹馍($26)同上面嘅一样咁多汁，孜然味好香浓，比较适合钟意食浓味嘅人，所以男朋友话好喜欢。(3)金牌面皮($24)依个系冻食嘅，要赞嘅系佢唔会帮你落定辣油同醋，你可以按自己嘅口味而加落去。因为本身面皮系无乜味，所以我觉得ok，男朋友就觉得好寡。(4)纯手工油拨扯面($58)记得有一次喺深圳食过类似嘅面，一碗面只有一条好粗嘅面，如果要分少少俾人食要自己夹断或咬断，今次再次食到真系好开心。依个面系要趁热捞咗先食，配料都几多，而且啲酱汁好浓好够味，总之就好满意。(5)口水鸡($18)起哂骨，唔洗食得好麻烦，几好，不过好似切得薄咗少少咁，而且唔太够入味