Uncle Pizza, Pasta & Grill (已結業)

由中环用自动行人电梯好容易就去到呢间餐厅，入面嘅面积唔大，可能因为喺苏豪区，个餐牌只有英文，冇中文，坐低叫左个薄饼，喺由四种唔同芝士做成嘅薄饼，有蓝芝士丶车打芝士丶水牛芝士同埋羊奶芝士，一于要过足口瘾，等左大概十五至二十分钟个薄饼就上枱，好香嘅芝士味，即刻攞左一件放入口，啲芝士多到不得了，咬一啖之后拉开件薄饼成呎远，𠮶啲芝士拉成嘅芝士丝都未断开，好玩又过瘾，最好食喺佢个芝士饼底，食落去好似食紧饼干咁，唔似出面好多餐厅食薄饼好似食紧面包咁。