港南湘蜀食堂

营业中

休息中

地方非常阔落，极多位提供，绝对唔使担心冇位坐，同时间每一台都好阔落，坐得好舒服。菜式选择非常多，小炒菜式多款，炒饭种类多，有做铁板类菜式，唔使担心揾唔到岩自己既食物。当日差唔多夜晚21:30入座，叫咗瑶柱蛋白炒饭，以为普通炒饭可以好快有得食，但都要等20分钟先上枱，食左啖淡茂茂乜味都冇觉得唔对路，仲要一条瑶柱都揾唔到，同阿姐讲后拎返厨房加瑶柱，好彩冇被加料；加左瑶柱味道香口得多，会比一般茶餐厅好食，可惜到最后都食到几块蛋壳。整体干净企理，味道正常，绝对岩晒各位街坊。