漁川米線 (已結業)

小妹好钟意饮汤，天气热，唔想食饭，本来想食米线。小妹系顺德人，见到呢间门口写住顺德鱼汤料理专门店，就即管入去试吓。结果小妹拣咗蚝仔紫菜泡饭，一大汤碗，目测有10几20只蚝仔，只只都相当肥美，只系落咗少少胡椒粉，一啲都唔腥，仲煮得刚刚好，非常juicy；鱼汤清甜，仲有两大片生菜，同6、7件豆腐卜。舖头里面大大只字写明，免费添米线/米粉/饭/鱼汤；因为已经清晒碗，一滴鱼汤都无得净、好饱，所以无添食。但隔离台真系有位哥哥添食米线，虽然姐姐态度一般，不过真系食得过。畀钱𠮶阵，仲见到有人食原条黄花鱼米线，虽然鱼唔系好大条，只系同个汤碗一样咁长，不过卖相亦相当吸引。