靠得住粥麵小館 (克街)

营业中

休息中

星期一，本来谂住放工同太座在铜锣湾买完野，揾下野食。点知突然收到炉兄打黎话食饭，就一齐啦，多个人食多d 款式都好。原本谂住去新搬了的生记饭店，点知上到去话爆晒，仲冇人叫你等下，立即转移阵地。在附近的，就谂起这里来。三个人入到去，叫左的粥包括泥粥、牛叶粥同艇仔粥。每个粥都好棉，其中以牛叶粥最出色，用的是黑叶，好有咬口，个粥还带有点点酒味，颇香。但个艇仔粥就好似唔多料落左，可能系我地三个人share黎食，或者俾d 对手「笔」晒挂。个人比较钟意原条泥放落去的粥，这里是拆骨的，我未能原汁原味的食到泥肉，而放的果皮亦略微嫌唔够多，所以整体觉得个粥一般。另外叫了炒面、咸肉粽、炸面、鱼膘并鲮鱼球。值得讲的是鱼膘并鲮鱼，鱼膘脆口，鲮鱼球大大粒亦弄得没有腥味，不失为好选择。这里除了写明五个不准外，包括不准详谈生意及高声喧哗外，斋食粽亦不设堂食的，睇黎这里规矩真唔少。