滿漢小館

营业中

休息中

去法国医院睇完医生，当然入九龙城医肚啦～行过福佬村道，原来都有唔少食肆，呢间未帮衬过，见佢啲上海菜都几吸引，带住个上海老细，就一于试下啦！坐低叫咗个醉猪手咬住先，再慢慢睇菜单～佢个猪手好有咬口，爽口弹牙！系我钟意嘅口感！🥰👍🏻花雕好好味，我一路食…一路饮…😅唔会太咸～隔离枱食紧肉夹馍，响香港未试过，都试下！好香脆～加咗蛋感觉唔错，不过佢个馍用咗手抓饼，好容易碎晒～我觉得肉馅可以多啲～😁生煎包好食！！包皮松软，有少少肉汁～小笼包热辣辣，汤汁香浓，不过都系𠮶句……馅料少咗啲啲～😁😁😅叫多个素杂锦，呢个要赞！！好足料，除咗菜同笋～佢个素鸡用咗烟熏𠮶只，仲有香菇、蔬菜同大量百叶～食完都好饱肚！要一赞系佢嘅鲜磨豆浆，好香浓，又唔会太甜～以为咁夜冇人，点知食到就埋单，仲有人入嚟食宵夜～店员可能觉得我哋差唔多年纪～播咗啲怀旧歌（最爱陈百强）仲问我啱唔啱听呀？！🤣🤣菜单上仲有好多其他𩠌菜，下次可以嚟试下！