麗莎餐廳

营业中

休息中

佐敦有好多餐厅，今次拣咗一间几特别嘅餐厅，有小炒、扒、同埋一般茶餐厅有嘅食物--丽莎餐厅。听职员讲仲有做私房菜，想食乜嘢菜都可以做到，真系好劲，同一般茶餐厅好唔同。虾干粉丝什菜煲，$68我哋原本谂住求其食个下午茶，但估唔到有小炒，又唔贵，我哋就叫咗个比较健康嘅什菜煲，佢嘅汤底好鲜，令到啲菜都好鲜甜，又健康又好味。马来炒贵刁，$55好耐冇食炒贵刁，突然好想食，见佢有餐，包埋嘢饮，好抵，贵刁炒得好香，唔会好油，食完唔会成嘴油，唔错。西多士下午茶餐，$36西多士切开嚟炸，更加香脆，每块上面都有牛油，蜜糖任加，好邪恶，不过食好味嘅嘢肥都肥得抵😍猪扒包下午茶餐，$38猪扒包都好好味，一分为二方便我哋食，猪扒好够味，入面仲有好多沙律酱，好味。奶茶柠茶都好有茶餐厅风味，下次会去试多啲小菜。用茶餐厅嘅价钱就可以食到咁多美食，值得一试。