點點心 (已結業)

因为朋友系湾仔返学，约左系湾仔食午餐，逛逛下见到呢间点心铺，望入去见到多人，应该唔会太差挂，于是冲入去。原来有2层，上左上层，楼底比较矮，见到啲鬼佬都要弯低身出入。2个人叫左7碟食物，漏左入通菜落张单，埋单唔洗200蚊，朋友仲奇怪系咪计错数，因为食到肚都爆，样样都好味，肉饼够大块，肠粉唔厚皮，最特别系炖雪梨，试食价15蚊，见到每枱都点，当然唔执输啦. 原个雪梨，上面有陈皮丝，咸咸地又少少酸少少甜，呢个干燥天气岩饮，整体不错，值得再去。