Sodam Chicken (已結業)

想食炸鸡会谂到去Sodam Chicken 嘅炸鸡焗鸡放题，佢哋有多款口味选择，$138 （炸鸡及pizza 放题），加多$30有埋焗鸡+额外口味+小食放题，好抵食。整体嚟讲，鸡肉无论系焗 或者炸都保持鲜嫩，每件鸡都几大件。柠檬柚子炸鸡柠檬柚子汁酸酸甜甜，连埋炸鸡一齐食，非常开胃，口感refresh，必点！香草青柠炸鸡香草青柠汁主要系酸味，食完其他未觉得太油腻可以点呢个，中和返炸鸡嘅油腻感，食完呢个汁又可以食多几件鸡。黑糖脆脆炸鸡黑糖汁咸咸甜甜地，非常特别，同炸鸡好夹，建议大家都试吓呢个味。蜜糖蒜香焗鸡蜜糖汁甜甜地，有啲蒜片喺上面增加口感，焗鸡冇炸鸡咁热气，建议点呢个。双重芝士焗鸡芝士控嘅话可以食呢个，上面盖满咗芝士粉，芝士味超级浓郁。韩风紫菜焗鸡焗鸡上面有好多紫菜碎，原味嘅焗鸡加少少海苔味，几特别。蜜糖芥末薯条蜜糖芥茉酱整得好滑，甜得黎有少少辣味，薯条粗身，少少脆。