18樓雞煲火鍋專門店

营业中

休息中

旺角创兴18楼鸡煲🐔book左6点半，上到去已经满左一半人，差唔多7点就开始爆场噜。我地叫左小辣鸡煲，鸡煲惹味得黎有小小甜，唔会死咸好浓味。份量又唔会太多，唔会质饱你个肚，建议细食既朋友可以拎个碗仔夹开啲鸡，咁就唔怕食唔到边炉啦。出面有两个雪柜放冻饮，亦有啲自家制冬瓜茶同，茉莉花绿茶同桂花乌龙茶等等。同时雪柜都有啲菜比你自己拎。今次我食左A餐，有雪花肥牛同特级肥牛，佢个app有好多野食，猪牛羊鸡都有，亦有小小熟食。而且有时日海鲜，我个日去就系小蛏子。我就每样试左啲，推介雪花肥牛，羊肉片，白鳝片，脆肉鲩，即炸响铃同大汗小酥肉，个小酥肉我地仲叫左3次。差唔多饱就出去吱雪糕，有原味乳酪同抹茶味，有啲芒果爆珠同椰果可以比你加落去，乳酪味雪糕都好好食。餐厅既装修系怀旧香港feel，都好有特色。店员上菜同收碟都好快，而且都有礼貌。冷气亦都够，唔洗怕个身好大阵味。