三姐松記糖水 (已結業)

三姐松记糖水 since 1994 有注册商标唔好去错呀。以前读city 嘅fd子想当年成曰帮衬三姐松记糖水架。而家甜品嘅选择多左好多，三姐真系与时并进。芋圆丸 $38见到有芋泥即刻心心眼，成碗都系芋泥起晒沙，芋圆真系有粒芋头喺里面，仲有紫薯圆，几QQ。冻芝麻汤圆其实有少少暖，流心芝麻，皮都算薄，不错。第一次食明珠，口感几特别。听讲食薏米去水肿又美白，几够稔。成碗糖水除左粒汤丸之外都好清淡，好似几健康。Baileys 朱古力心太软配益力多雪糕 $58香浓朱古力加上Baileys好特别，真系食到baileys味，唔系求其落啲咖啡扮baileys。益力多雪糕有雪皅感觉好清新，配浓味嘅心太软有中和作用。芒果出奇蛋 $48芒果班戟cream好滑，内有大粒芒果，好甜。杨支甘露底层有西米露，自行搅拌，比平时杨支甘露冇咁杰，甜度适中。鲜芒果雪糕应该系自家制，特别creamy同芒果味好真。特别一提，男店员态度非常好，笑容亲切，仲主动问我地d 甜品啱唔啱食，今时今日好少咁好服务。