聰。C Dessert

营业中

休息中

今日当完值就约老公去湾仔食饭，饭后紧系要有甜品，行过见到有间大排长队嘅甜品店，当然要凑热闹。白色墙身，在呢条街道上特别起眼，感觉亦简约舒适。里面光猛企理，整整齐齐，座位很多。餐纸清晰吸引，各甜品都附有相片，分别有牛角窝夫、热辣辣糖水、炖品、特别推介、豆腐花、西米露、椰果冰、仙草冻，选择多。绿茶杏仁豆腐花（$42）好滑好滑！食到豆腐花有啖啖杏仁香；绿茶啫喱Q弹，亦有淡淡嘅茶甘味，加埋脆卜卜嘅爆珠，口感丰富，整体唔太甜，喜欢！杞子圆肉雪莲子炖桃胶（$45）热辣辣，炖得好够火喉！有清甜嘅杞子和圆肉；爽滑嘅桃胶；黏滑嘅雪莲子，用料十足，滋润甜美，女士恩物。