御泰坊-泰越菜 (裝修中)

约左朋友仔，其实观塘都几多选择，但最后我地决定左去食泰国野。三十几度，谂谂下都系唔好周街拣啦！所以就决定上apm啦。因为未下午茶时段所以唔洗等位。都几多野食唔系静系得泰国野同越南野，仲有D应该算系中式野。我地得2个人但我好多野都想食，我朋友不停提住我，我地2个人炸。唔好叫咁多野咁2个人叫3样野，差唔多啦。因为朋友唔钟意食青木瓜，所以就叫左呢个烤牛肉沙律，但如果唔食西芹o既朋友仔就唔好叫，因为呢个沙律主要材料系：西芹，蓄茄，有小小红椒同红葱头，当然仲有主角烤牛肉。个sauce酸酸地好好食。我想叫咖哩o个d，因为有汁好送饭吗。点知朋友死要叫呢个！好啦好啦，叫啦叫啦。咩都冇就系得2只虾啰！就系一人可以分到一只。冬阴功味就系唔系好觉得猜其实。个烧鱿鱼都几OK o既。都几淋，但系o个个橙色o既汁，好奇怪，完全唔知佢系咩味。青檬流打冇咩味，香芒乐园就几好味，仲有D芒果肉系入面。