蘇媽.蘇媽馬來西亞茶餐室 (已結業)

之前试过周末去旺角𠮶间苏妈，六点几钟已经排好长龙，所以未机会食到。见到铜锣湾新开左一间，人流唔多，即刻去试吓。个人好钟意食咖央多士，呢间特别在有一层厚厚嘅牛油，椰香同牛油香夹埋一齐都唔错，不过送到过黎既时候只系暖暖地，prefer 佢热d。特色饮品当然唔少得，椰汁斑兰冰不过不失。桔仔话梅水饮落真系好酸，平时钟意饮酸野嘅我就觉得真系好正。食肉骨茶嘅话，要跟住佢嘅步骤调配酱料。肉骨茶有好重嘅药材味，猪脚弯本身味道唔浓，加埋酱料先好食。肉骨茶仲可以叫职员帮你添加，认真抵食。串烧都唔错，最重要系个酱，可以尽情咁点酱，沙嗲味好香，仲有啲花生粒，值得推荐。第一次食老鼠粉，热辣辣嘅时候食，觉得唔系几好食，始终口感同一般面条好唔同。但系唔知点解冻咗食嘅时候又OK，最后都一啖一啖食晒。入面有好多配料，食嘅口感好丰富，但比较大碗，都几饱。呢间嘅味道整体都唔错，仲有好多款菜式，其他推介嘅都未食过，下次会再嚟试吓。