至尊重慶雞煲 (創興廣場)

营业中

休息中

今日放工即兴约阿妹出街食饭，对上一次两姊妹出街食饭应该系五年前😂， 两姊妹决定去食最麻甩嘅任食打边炉， 创兴广场有好多间打边炉，由于亚妹今次想食鸡煲，千拣万拣终于拣到16楼既至尊重庆鸡煲，见几抵168元任食任饮两小时，而且入座前成功做埋会员，每人减10蚊。我哋怕辣，拣咗bb辣鸡煲，2人鸡煲都唔细㖞，起码至少有廿件鸡，鸡够滑，调味好好，唔辣之余又惹味，应该下次可挑战小辣喇。我地一边食鸡一边用qr code电话落单配料，够方便，d鸡未食完，火锅配料都黎得7788，上菜速度认真快，全餐都无漏单，值得一赞。火锅配料比较特别既系花胶，虾，羊肉，韩式公仔面，其余一般都应有尽有，肥牛都算几靓。惊喜位系雪糕和饮品款式有劲多味道，最钟意樽装饮品有细支装，雪糕既维记糯米池唔知咩味，乜咁好味既。呢个价钱抵到烂，未食够120分钟已经投降埋单。下次应该可食90分钟lunch仲抵。