無辣不歡 (已結業)

近排香港日日都又晒又热，搞到我唔知食咩好。葵广不嬲出名食嘢又平又正又有冷气，所以我决定今日去葵广到食下野！行过见到呢间无辣不欢，见到有手撕鸡冷面就二话不说买嚟试下。手撕鸡冷面 ($25)老板手脚好快，果头比钱呢头就有得食！一见到碗野就好惊喜，手撕鸡竟然铺到成碗面都系！我好钟意食胡麻酱捞面，而呢碗面嘅胡麻酱都一啲都唔孤寒，条条面都痴到胡麻酱，但又唔会太稠太heavy。最重点系佢只系$25，平时同样价钱喺第到都食唔到咁多手撕鸡同胡麻酱！我食完之后好满足，下次嚟葵广一定会再食呢间！