紅煙窗餐廳

营业中

休息中

因为已经冇做Playt 同埋海逸嘅会员，呢排想食自助餐都唔知去边度好，因为冇左优惠觉得食自助餐几唔抵。屋企人就推介左我嚟呢间红烟窗餐厅，话性价比几高。因为系有人推介，所以已经知道大约有啲乜嘢食，亦都知道佢冇提供生蚝同埋蟹脚。虽然呢两样都系我钟意食嘅嘢，但系佢午餐自助餐都有龙虾系几少有。这间餐厅好耐之前嚟过，比我嘅感觉麻麻地，因为比较残旧。而家新装修咗，成个感觉唔同晒。而且职员全部都好有效率，收碟好快。比起好多五星级酒店嘅自助餐服务更好。唔会话食完𠮶啲碟喺侧边摆着冇人收。其实食物嘅种类唔算特别多，主要系有龙虾食而且折咗唔洗三百蚊一位，又坐得舒舒服服，啲食客又唔会太嘈，又唔会争嘢食，而且冇一样野需要排队。所以十分满意。甜品冇专人整pancake窝夫，疏乎厘之类，只有甜品柜里面𠮶啲蛋糕仔，全个嘅蛋糕亦只有二款，甜品系比较讯息，食返杯雪糕就算。如果想有七五折，记得早一日之前订位。