寶寶雞煲 (已結業)

成班师兄弟妹参加完活动之后就玩即兴， 成班人冲上去呢间喺鸡煲界又隐蔽又出名嘅宝宝鸡煲。好彩𠮶日唔系太多人仲有位畀到我哋，就真系要 thank 𠮶度职员啲安排，佢哋服务好好。打边炉同埋食鸡煲最重要就系一大班人嚟食，就系咁样先至够气氛够开心，𠮶晚我哋叫咗好多嘢食，牛肉、丸类、蔬菜、羊肉、猪肉、猪腰、猪润，总之大路嘅嘢我哋都叫咗嚟食， 但系呢啲都系唔系我想讲或者介绍嘅嘢。我重点要讲嘅就系呢度嘅招牌鸡煲，呢度个鸡煲对味道好特别，唔系特别麻辣𠮶一种四川嘢成都𠮶啲咁嘅味道， 相反呢度啲鸡煲辣得你系甜甜地咁样，觉得就系好似就连细路哥都可以食得到，老人家食咗都唔会觉得燥热，好特别嘅一个鸡煲，鸡肉又入味又够滑，味道又甜又辣又咸，真系食极都唔够。有时转下新口味都唔错，唔系一定下下都麻辣要标晒汗先过瘾嘅。