光記食店

营业中

休息中

虽然我唔系成日食大排档既人，但系呢间大排档我真心推荐！呢间店我朋友由细食到大，佢最钟意食佢地既椒盐鸡翼，话每次都可以自己食到十几只。讲到咁好食，我呢个咁钟意食鸡翼既人又点会错过呢😆今次同我朋友一齐黎，鸡翼当然系必点！但系有时会好快卖晒架，所以唔想扑空的话最好就预先打电话黎留定。啫啫鸡煲都好好食！好有镬气得黎但系d鸡都keep都几嫩滑，好惹味架！仲试左佢地既土鱿蒸肉饼，好有屋企饭𩠌既感觉。本身仲想点圣子，不过因为我地得两个人，所以叫唔到好多道𩠌，所以如果多几个朋友一齐嚟食就非常好啦。据我朋友所讲，不论系平日定系星期六日，佢哋都超多客人！虽然可能有时要坐得迫啲，但系咁先有食大排档feel 架嘛！👍🏻👍🏻