影片
更多
2009-08-31
6 浏览
好耐冇去过食DOMON 札幌拉面，同老婆行开街顺便食下。之前都系散叫，今次留意倒有个hkd188 0既2人餐，有2碗set 死左0既普通拉面+ 3个(从12 个里面拣)小食。秘技系只要每碗普通拉面加10蚊就可以自选任何一款拉面，所以未加一盛惠208。大热天时，梗系要食d冻野开个胃，所以首先要左冻蕃茄。可能我唔识食，但系我觉得呢个蕃茄同普通街市买倒0既唔系好大分别，不过冻蕃茄加芥末就真系未试过，作为冷盘都还算几好丫。之后梗系要此店出名0既饺子啦。呢间0既饺子皮薄但系唔容易爆，劲 佢系用韮菜+免治猪肉包，两者份量适中，真系值得一试再试。最后叫左小串烧拼盘，可惜冇睇清楚，佢其中一样系葱 (但系我唔食)，有d可惜。其余仲有冬菇、鸭肾同鸡亦，几款都算唔错。主菜当然系拉面啦，我叫0既系原味猪肉拉面，老婆原味蟹肉拉面。 (原味即系面豉味)猪肉个厚薄刚好，唔会好薄，咁就冇乜质感; 但又唔会好厚 (如果唔系会好'漏')，味道好正，我认为真系值得再试。其余配菜包括葱、海苔、粟米、芽菜同笋等等。另外蟹肉唔会话系蟹柳咁沟鱼肉，食落好真系好松软，亦都可以一试。本人一向唔系饮好多汤，但系都棒下场饮左dd，可能喜好
之前都系散叫，今次留意倒有个hkd188 0既2人餐，有2碗set 死左0既普通拉面+ 3个(从12 个里面拣)小食。秘技系只要每碗普通拉面加10蚊就可以自选任何一款拉面，所以未加一盛惠208。
大热天时，梗系要食d冻野开个胃，所以首先要左冻蕃茄。可能我唔识食，但系我觉得呢个蕃茄同普通街市买倒0既唔系好大分别，不过冻蕃茄加芥末就真系未试过，作为冷盘都还算几好丫。
之后梗系要此店出名0既饺子啦。呢间0既饺子皮薄但系唔容易爆，劲
佢系用韮菜+免治猪肉包，两者份量适中，真系值得一试再试。
最后叫左小串烧拼盘，可惜冇睇清楚，佢其中一样系葱 (但系我唔食)，有d可惜。其余仲有冬菇、鸭肾同鸡亦，几款都算唔错。
主菜当然系拉面啦，我叫0既系原味猪肉拉面，老婆原味蟹肉拉面。 (原味即系面豉味)
猪肉个厚薄刚好，唔会好薄，咁就冇乜质感; 但又唔会好厚 (如果唔系会好'漏')，味道好正，我认为真系值得再试。其余配菜包括葱、海苔、粟米、芽菜同笋等等。另外蟹肉唔会话系蟹柳咁沟鱼肉，食落好真系好松软，亦都可以一试。
本人一向唔系饮好多汤，但系都棒下场饮左dd，可能喜好问题，本人认为汤底唔系话好特别，好非不试不可𠮶种。
不过，饮完之后真系好、好、好够饱。
总括黎讲，个拉面同饺子都仲算维持喺高水准。唯一少少同上次唔同0既系，上次食得比较轻松，d野唔会话一下子上晒，但系今次个饺子都未食完，个串烧拼盘同拉面就黎左。成个晚饭我谂成左45 分钟倒，呢个速度真系好有港式风味。
连埋加一最后埋240 倒，可以一试呢个好味0既拉面同饺子，都算ok 抵啦。
张贴
