影片
更多
2019-08-30
287 浏览
纪念日男人话带我去食好西，仲叫我着靓啲，究竟去边度呢？原来系时代广场后面街，耀华街不嬲都有好多嘢食，今次去边间食咁神秘呢？有两个好抢眼嘅捕梦网，原来店名嘅意思就系梦想。里面嘅环境简雅而隆重，每张枱面都有一条白羽毛，即刻想念"Wingardium Leviosa"。侧边仲有一个水晶球灯🔮，水晶球内有蒲公英影像，整体感觉舒服又浪漫。每一张枱有专责照顾嘅侍应，坐低侍应会帮我铺餐巾，仲会喷啲香水落枱面湿纸巾度，即时有清雅幽香飘散，闻落舒服，成个气氛好从容。客人可以拣坐喺出边大露台，露台一边望到坚拿道天桥，另一边系跑马地马场方向，靓景令人心情愉悦，好开心。男人话呢间系法日融合菜餐厅，点餐就由男人发板，我负责影相。放木制牛油刀+牛油嘅盛器好特别，系黑色石头，衬得好靓，份外显眼。落单之后侍应送来一个白布袋，里面装住热辣辣嘅面包，有酥脆嘅牛角包，另一种包口感烟韧，有红莓同果仁喺里面好好食。首先嚟个日本风嘅味噌南瓜，南瓜本身清甜酥软，加咗味噌调味，多咗咸香又健康，味道好夹㖞。Pan Seared Hokkaido Scallop摆盘认真严谨，颜色都好靓。微微煎过嘅刺身带子，口感爽软，鲜甜味美，正呀！带子
纪念日男人话带我去食好西，仲叫我着靓啲，究竟去边度呢？
原来系时代广场后面街，
耀华街不嬲都有好多嘢食，
今次去边间食咁神秘呢？
有两个好抢眼嘅捕梦网，
原来店名嘅意思就系梦想。
里面嘅环境简雅而隆重，每张枱面都有一条白羽毛，
即刻想念"Wingardium Leviosa"。
侧边仲有一个水晶球灯🔮，水晶球内有蒲公英影像，
整体感觉舒服又浪漫。
每一张枱有专责照顾嘅侍应，
坐低侍应会帮我铺餐巾，
仲会喷啲香水落枱面湿纸巾度，
即时有清雅幽香飘散，
闻落舒服，成个气氛好从容。
客人可以拣坐喺出边大露台，露台一边望到坚拿道天桥，
另一边系跑马地马场方向，
靓景令人心情愉悦，好开心。
男人话呢间系法日融合菜餐厅，点餐就由男人发板，我负责影相。
放木制牛油刀+牛油嘅盛器好特别，系黑色石头，衬得好靓，份外显眼。
落单之后侍应送来一个白布袋，里面装住热辣辣嘅面包，
有酥脆嘅牛角包，
另一种包口感烟韧，
有红莓同果仁喺里面好好食。
首先嚟个日本风嘅味噌南瓜，南瓜本身清甜酥软，
加咗味噌调味，
多咗咸香又健康，
味道好夹㖞。
Pan Seared Hokkaido Scallop
摆盘认真严谨，颜色都好靓。
微微煎过嘅刺身带子，口感爽软，鲜甜味美，正呀！
带子下面青色嘅系青豆汁，橙色嘅系三文鱼籽
贝壳下有开心果金宝，
黑色条状系竹炭脆饼，酥脆好味。
两片枫叶旁边嘅系日本小泽蟹，
咬落卜卜脆，侍应提醒小心吃，免被剌伤。
第一道神秘菜系海胆。
哗，成个海胆呀！摆盘都好靓。有片新鲜银杏叶，
又有红色绿色嘅海草，
原来海胆里面白色嘅系慕丝，
慕丝上面系黄色海胆，
海胆上面有金色鱼籽+明太子，
将海胆用汤匙拎起，
一啖食咗佢，唔...鲜美丰腴，正呀。
剩低白色嘅慕丝比较淡，捞埋垫住海胆壳嘅竹炭曲奇，
即刻美味爆发呀。
第二道神秘菜系...龙虾？
非也，底层系碎蛋沙律，中间系松叶蟹肉，
上层小圆点系日本桃，
黑色线原来系黑鱼籽，
最上面系食用日本紫苏花，
味道鲜香，口感丰富，
个样睇得又好食，
点埋侧边嘅红莓酱更香甜，
而点芒果酱就鲜香开胃。
跟住就系真龙虾喇，
龙虾尾肉质爽弹，味道鲜甜，点碟底嘅龙虾汁嚟食，
真系有画龙点睛嘅效果。
伴碟材料都好特别，
炸脆嘅羽衣甘蓝系第一次见，
啤梨干、莲藕片干系自家制，
健康好味又唔会过甜，
芒果香甜多汁好好食。
Japanese Cod Fish
简洁精致嘅摆盘，白色粉末系分子化嘅橄榄油
盘底酱汁系用腌青苹果、番茄、
奇异果、番茜、柠檬汁制成，
味道酸香开胃，又可解腻。
鳕鱼以变奏西京烧方式烹煮，
无落味噌，所以唔会好甜，
鱼脂丰盈，肉质嫩滑，鲜味十足！
Kagoshima 鹿儿岛和牛
煎煮火喉控制得啱啱好，
颜色粉嫩，肉质细嫩松软，
和牛肉汁丰富，肉味香浓，
加上黑松露和牛汁，好味！
伴碟有矜贵嘅法国黄油菇(鸡油菇)、
新鲜青芦笋、枝豆，
又靓又好味。
Sesame stone
甜品系呢个套餐嘅最后一道菜，
有树枝、有花、草、石头！
几可乱真，全部都食得。
花系食用花、青草系开心果蛋糕，
树枝系朱古力，石头就由芝麻慕丝、
竹炭蛋糕...等组合而成，
石头好香芝麻味，馅料软滑，
口感特别，好味！
最后就系餐茶，
男人拣Earl Grey Tea，
我嘅咖啡香浓顺滑，好饮！
跟茶仲有4件小甜点，
为这晚餐划上完美的句号。
今晚感觉温馨又满足，谢谢啦！
题外话/补充资料：
虽然每道菜侍应都会专业咁详细讲解材料同做法，
但系挂住影相，好多都唔记得啦，如材料资讯有误，请见谅及指正，谢谢！
(以上食记乃用户个人意见 , 并不代表OpenRice之观点。)
张贴
