梨泰院 (愉景新城) (已結業)

今日带埋小朋友去愉景新城玩，愉景新城地下有好多好适合小朋友放电，净系叫佢地系萤幕度睇电视都可以睇一小时，地下又有好多好大间的食肆，好适合一家大细舒舒服服甘坐低食野，今日我地去左梨泰院食韩国菜。因为餐厅都大间，所以去到都唔驶点等位，一坐低就有4个开胃小菜俾我哋食，有腌萝卜、泡菜、芽菜、甜薯仔，可以一边食一边等上菜，而且呢间餐厅都会迎合香港人嘅口味，同平时韩国餐厅唔同，佢哋系会提供柠檬味嘅水。朱古力沙冰有好浓郁嘅朱古力味再加上忌廉，小朋友饮到津津有味男神梳打呢一杯嘢饮好适合打卡，有渐变色嘅效果再加埋少少气泡，饮落去仲系有甜甜地嘅覆盆子味鱿鱼天妇罗鱿鱼天妇罗个份量都唔细，有个酱汁配黎食，食落去系即炸唔系翻炸，值得加分嘅系侧边配左一个柚子沙律，甜甜地好好食韩国生菜包猪肉呢个真系好有惊喜，上菜𠮶阵小朋友都好开心哗一声，话好大碟，猪肉有一定嘅厚度，食起上嚟都好爽口，仲有蒜头萝卜丝等包住嚟食，三个人食得好开心炸鸡炸鸡相当脆口，鸡肉嫩滑，少少辣朱古力雪糕煎糖饼又系小朋友嘅最爱—甜品，一咬开有一啲粒粒嘅口感，个口感有啲似食杏仁朱古力咁，而且上面仲有个雪糕，小朋友好开心，下次会再带佢黎食