影片
更多
2018-11-25
738 浏览
第一次食，星期日七点半左右等左几个字有位，唔算耐。上到二楼，环境几好，一贯嘅扒房暗淡浪漫灯光，整体都干净。不过一坐低发觉个位好大风，大风到连枱上面张餐纸都吹到翘起，向侍应求助，一位阿姐好心地帮手闩细左个风，有明显改善，抵赞。不过一间餐厅空调直吹枱面明显系会令食物速冻，仲要系卖热辣嘅铁板餐，细谂就真系麻麻。闩细左风之后张餐纸系翘起到定左型，可见风力有几劲。落左单，餐包嚟，热嘅，下面牛油都半融状态，唔错。忌廉汤系粟米忌廉，几杰，味道系正常水准。之但系，朋友个餐包食到最尾𠮶啖食到粒烟头，直情食到个口有酸味烟味臭味𠮶种，即时吐在餐巾上找侍应投诉啦。侍应来到，即时反应系想收走佢，连𠮶粒嘢都冇认真睇过系乜嚟，然后表示啲包都系人地交嚟。见佢咁样就唯有请佢放返低粒烟头揾经理嚟啦。经理嚟到，落手将粒烟头拨嚟拨去拨嚟拨去，最后唔好意思都唔多句，剩系收走左粒嘢，话俾过份餐包就算。成个感觉系我地拎粒烟头出嚟屈佢咁 真系火都嚟，whatsapp已经有朋友话揾食环，朋友太善良话费事搞，咁唯有尊重事主啦。不过我就冇咁大方啦，点都要话下俾人知先得嘅。到主菜嚟，都等左ok耐，不过唔紧要，出晒烟啲油弹到周围系系要等下嘅，
上到二楼，环境几好，一贯嘅扒房暗淡浪漫灯光，整体都干净。不过一坐低发觉个位好大风，大风到连枱上面张餐纸都吹到翘起，向侍应求助，一位阿姐好心地帮手闩细左个风，有明显改善，抵赞。不过一间餐厅空调直吹枱面明显系会令食物速冻，仲要系卖热辣嘅铁板餐，细谂就真系麻麻。闩细左风之后张餐纸系翘起到定左型，可见风力有几劲。
落左单，餐包嚟，热嘅，下面牛油都半融状态，唔错。忌廉汤系粟米忌廉，几杰，味道系正常水准。之但系，朋友个餐包食到最尾𠮶啖食到粒烟头，直情食到个口有酸味烟味臭味𠮶种，即时吐在餐巾上找侍应投诉啦。
侍应来到，即时反应系想收走佢，连𠮶粒嘢都冇认真睇过系乜嚟，然后表示啲包都系人地交嚟。见佢咁样就唯有请佢放返低粒烟头揾经理嚟啦。经理嚟到，落手将粒烟头拨嚟拨去拨嚟拨去，最后唔好意思都唔多句，剩系收走左粒嘢，话俾过份餐包就算。成个感觉系我地拎粒烟头出嚟屈佢咁 真系火都嚟，whatsapp已经有朋友话揾食环，朋友太善良话费事搞，咁唯有尊重事主啦。不过我就冇咁大方啦，点都要话下俾人知先得嘅。
到主菜嚟，都等左ok耐，不过唔紧要，出晒烟啲油弹到周围系系要等下嘅，上菜侍应都好细心提醒我地用餐巾纸挡住。但系一摆入口，问题嚟喇，个洋葱干邑杂菌牛柳粒，咸到饱和，仲要系用梳打粉夹硬乸到冧𠮶种质地，差啲以为食紧茶餐厅牛肉，唯一分别系厚左啲啰。试左铁板上面唔同位置左中右三嚿，都系咁咸，唯有放弃。
转攻薯菜谂住食饱就算，点知连薯菜都系咸到饱和，完全唔想食第二嚿。同样试左唔同位置嘅几嚿都一样。唔知系咪因为俾块扒责住所以整咸埋。食几嚿是日钠吸收量已经超晒标。
成碟嘢最出色系嚿蕃茄，厚肉，多汁，最重要系，唔咸！系正常味！感动到我呢！个汁、洋葱同磨菇都好食冇问题，平心而论个汁本身味道唔差，有洋葱香之余唔会滞，所以应该系牛柳粒出事。最后唯有食晒啲配菜算，饭或意粉都冇要。
朋友𠮶碟杂扒就正常发挥，起码嚿牛扒正常冇乸过，黑椒汁有香味但唔算辣。唯一好笑系块铁板，拱形嘅，仲有散射式嘅裂纹，啲黑椒汁喺两边向低洼地区流淌，咁都可以继续用？真系环保到想颁个奖俾佢
最后餐饮冇得加钱转特饮呢啲就唔讲啦，传统嘢点都有人buy嘅。但我就唔会再嚟啰。
好耐冇试过食餐饭食到咁冇瘾。
美式什扒
28 浏览
0 赞好
0 留言
洋葱干邑杂菌牛柳粒
31 浏览
0 赞好
0 留言
当时我㩒紧电话唔系好听得清楚，事后朋友讲返，佢话当时个经理拨完一轮之后仲话唔系烟头嚟，我朋友话：你睇下，纸嚟个㖞！你睇清楚啲！ 最后个经理先拎走左粒嘢，由头到尾唔好意思都唔多句添。由头到尾嘅态度系对件事一啲都唔重视。
张贴
