水手有限公司(快餐店)

营业中

休息中

同学话我知，佢发梦见到自己就快死，佢同我讲之后，我吓到好紧要 好大压力，又好惊！于是冲落街，周围行，漫无目的咁行，行到脚攰，见到有一间快餐店，即系呢间水手快餐店，就走入去食。发现有件好搞笑嘅事，就系成间快餐店，净系得我一个系女仔，其他全部都系阿叔麻甩佬。我唔知叫乜嘢好，所以就叫咗炸鸡髀plus薯条食。炸鸡髀薯条，厨师煮咗好耐，我有问点解咁耐；佢话，即叫即炸！系生炸！所以系耐啲！！OK，等多一阵啰。 鸡髀唔系好大只，但系炸得啲皮好脆，鸡肉唔系好嫩滑，不过未至于干柴，而且有好多盐，咸咸地，好惹味，好好味！ 薯条唔似M记𠮶啲幼身嘅，系粗身嘅，都系有好多盐，好好味！我真系怕我同学会死。