Go Inside Kitchen (已結業)

今晚来到观塘接朋友收工，上网见佢同之前食过既籽乐厨房(尖沙咀)系姊妹店，都系社企餐厅，觉得啲食物应该都正既，于是book左系度食晚餐。  平日晚上人流唔算多，工厂大厦又比较大面积，坐得好舒服，可以同朋友慢慢吹住水食，唔洗怕急住食完还台。蒜蓉法包 一人一块，好脆，同今晚个意大利菜汤好夹。菜汤热辣辣上台，入面好多料，好多蔬菜，仲有啲面条，营养价值几多几高。头盘拣左 烟鸭胸田园沙津，落左柚子汁好开胃，3块烟鸭胸仲系凉凉地，好淋好易入口，好好食。到我地既主题喇，BBQ汁烧原条西班牙黑毛猪肋骨 ($368/SET)，超级大条!! 上菜个下我同朋友都吓亲!!咁大条真系一个人食唔晒嫁！！ 肋骨整到淋淋地，好容易切同咬。个BBQ汁都好正，下面仲有薯条。另外叫多左碟 香煎带子淡虾酱意大利饭 ($148)，2粒大大粒嘅带子，啲饭烟烟韧韧，酱汁都算饱嘅，我地2个女仔咁样食法就属于刚刚好喇。最后甜品拣左 蓝莓芝士饼 2件，唔济肚嘅唔洗担心食唔落。个饼底都好脆，系新鲜整出来嘅。 野饮要左热柠檬水，有樽热水俾我自己倒嘅，一Set咁几得意。埋单时店员仲送左coupon 俾我地下次帮衬用，全单8折。