三星台菜食堂 (The L. Square) (已結業)

呢间系中价台湾菜，主打牛肉面，位置都方便，环境系徧年青人路线，即系啲櫈老人家坐得耐会腰骨痛，小弟无事😚首先个小食叫咗肉松皮蛋豆腐，呢个小食好多台湾餐厅都有，我一向都好钟意食。呢度都做得好有水准，未食过真系要试吓。主菜就叫咗一个好似叫做三宝牛肉面，睇幅相睇唔出嘅其实碗面系大到阿妈都唔认得，一个人冇可能食得晒，两个人一齐分享就差唔多啦。里面啲𩠌有牛筋、牛腩、牛肚，每样都做得好好味。个面可以有几种选择，我哋拣咗刀削面，贪佢够特别，唔系好多地方食得到，亦都冇令我地失望，好好咬，好好味。另外仲嗌多咗个水饺，系猪肉馅，都好好味，尤其系个辣酱。