圃鍋 (已結業)

又去打边炉，不过今次我地以海鲜为主题，所以就揾左呢间圃锅，贪佢今期推出大大大大大只海鲜船，仲上埋facebook好多平台，应该就唔会太差。好彩，黎到之后唔系「希望愈大，失望愈大」，我地4人全体都觉得成晚的质素唔错，包括环境、食物、服务都好好，下次会再黎。呢边行高档路线，一入黎就觉得灯光比较暗，感觉上几好气氛，中式为主的风格都唔会令人觉得格格不入。服务员好好人，会主动过黎落单、加水，最紧要系教埋我地点煮海鲜最好味。个海鲜船好大只，4人份量海鲜够澎湃，有龙虾、蚬、鲍鱼、带子等，每一款都唔差，虽然唔一定系最新鲜，但至少入口唔觉有冷藏味。仲有推介埋和牛，雪花纹够靓仔，几乎入口即化，一定要试。