德國餐廳 (已搬遷) 新店位置

好耐冇食猪手，今日约埋一班老友记去食，又系元朗，元朗美食越来越多，餐厅就系元朗好出名个甜品附近，唔算难揾。我地一早已经book定位，所以唔算难揾。猪手要等耐少少，所以嚟咗个美式烧排骨先，排骨好霖，咬落去个感觉好松软，仲有配埋佢地个自制酱汁，入晒味！登灯邓邓，德国咸猪手到，一嚟以经切好晒，突然觉得有好touch个感觉。酱汁除咗芥辣之外仲有蜜糖，啲皮好脆，肉就好松较。而份量都唔少。绝对够4个人食。然后到安格斯牛排 10onz ，我地叫咗5成，都不负众望，仲有少少血水，好食。