影片
更多
2021-09-15
693 浏览
一早知道呢间烫烤达人系黄店，想试好耐，咁啱嚟到荷里活广场就谂住试试佢嘅午餐，相比起商场入面其他食肆嘅价格呢间明显略贵，但系见到可以无限添饭同饮品都觉得可以一试。咁我就嗌咗一个芝士辣肉炒年糕($88)，而同行另一友人就叫咗鱼糕豆腐年糕汤($88)。咁呢间餐厅上菜速度都几慢，大概都等咗20-25mins两个餐先至嚟。食物甫一上桌，香味扑鼻而来，尤其系个芝士辣肉炒年糕。但系，当我食咗几旧年糕后，我竟然唔见有任何肉类嘅出现，成碟𩠌就只有年糕，黄芽白，同埋芝士辣汁。我固然大惑不解，遂请来店员一探究竟。原来，店员表示辣肉系指「肉碎」。我系兜𩠌揾咗良久，发现「肉碎」数量大概只有十粒，实在离谱！食完个饭，我哋就免费添饮，而我俩都叫咗冻奶茶少甜少冰。上菜速度一贯地慢，而呢两杯嘢饮亦等咗约15mins。但系，慢工唔代表出细货，两杯嘢饮都极多冰，味道更加天渊之别：一杯甜到糖尿咁滞而另一杯竟然无糖！最后，我俩都无饮到杯饮品就决定埋单走人。结帐时，发现原来会收加一服务费，但系我就唔觉得佢哋嘅服务值得我加一。呢餐我哋一共食咗$200，而我哋一致觉得唔值呢个价。讲真，咁嘅价钱系商场内大把更好更抵食嘅选择。希望大家唔
咁我就嗌咗一个芝士辣肉炒年糕($88)，而同行另一友人就叫咗鱼糕豆腐年糕汤($88)。咁呢间餐厅上菜速度都几慢，大概都等咗20-25mins两个餐先至嚟。食物甫一上桌，香味扑鼻而来，尤其系个芝士辣肉炒年糕。但系，当我食咗几旧年糕后，我竟然唔见有任何肉类嘅出现，成碟𩠌就只有年糕，黄芽白，同埋芝士辣汁。我固然大惑不解，遂请来店员一探究竟。原来，店员表示辣肉系指「肉碎」。我系兜𩠌揾咗良久，发现「肉碎」数量大概只有十粒，实在离谱！食完个饭，我哋就免费添饮，而我俩都叫咗冻奶茶少甜少冰。上菜速度一贯地慢，而呢两杯嘢饮亦等咗约15mins。但系，慢工唔代表出细货，两杯嘢饮都极多冰，味道更加天渊之别：一杯甜到糖尿咁滞而另一杯竟然无糖！最后，我俩都无饮到杯饮品就决定埋单走人。结帐时，发现原来会收加一服务费，但系我就唔觉得佢哋嘅服务值得我加一。呢餐我哋一共食咗$200，而我哋一致觉得唔值呢个价。讲真，咁嘅价钱系商场内大把更好更抵食嘅选择。希望大家唔好因为呢间餐厅系全个商场最多正评而走去试，伏我哋就中咗，只希望唔好再有其他人中伏啦。
张贴
