Jenny Bakery (已搬遷) 新店位置

成日都上黎开饭度睇下有咩野食得闲试下，今次拣左jenny，睇过之前的食评大家都话要排队又人多，预早d出门。睇左开饭个地址照住揾，揾唔到啰，果个商场剩系得好多宾宾……之后唔理，试下去另一个商场啦，终于揾到，朝早十一点零去到，可能星期六啦，无人排㖞，当时得一个年长少少的店员，佢都有介绍下曲奇款式，我买左两盒细的4mix，$60一盒同埋一枝波罗汁，店员仲好细心讲冰未溶晒，冰都系波罗汁黎，唔好掉左佢。之后返到公司开黎食食我第一块试扁果块牛油味，觉得好干好硬，牛油味好假咁，即刻饮水，第二块试提子麦，还好，无咁硬，第三四块就系花花形的牛油同咖啡味，都唔差，正常，几松，但我觉得唔系太吸引我，之前朋友买俾我的澳门乐宫个样似硬，但佢好松化，好香，仲食唔停，反而jenny就唔太ok，第一款真系唔掂，以佢质数我宁愿去车厘哥夫买……*我已联络openrice改返个地址，希望其他朋友唔驶揾错地址白行。