翔龍拉麵小籠包 (已結業)

约咗朋友系观塘食饭，好耐冇食过翔龙拉面小龙包，所以同朋友去食。我们叫咗榄菜肉松四季豆，小笼包，上海粗炒，麻辣冻鸡，煎锅贴。榄菜肉松四季豆，冇以前咁好食，四季豆炒得太林，肉碎都几好食。小笼包都Keep到水准，皮薄多汁，馅都算多，应该都系刚刚蒸好，所以系好食。上海粗炒都系冇以前咁好食，配料都算多，有椰菜，肉丝，冬菇丝，葱，啲面系林林地。麻辣冻鸡我第一次食，又麻又辣都几刺激，啲鸡冻冻地都几滑，都算好食。煎锅贴都几好食，外脆内多汁，都几大只。佢杯茶系玄米茶，都几好饮。其实真系有啲失望，以前系好好食嫁，而家真系差咗好多，希望下次去食有改善啦！