影片
更多
2012-05-15
1889 浏览
今日因为朋友买左团购, 所以特登去美孚试食, 点知系失望到顶!!先讲食品质素, 因为我地系团购, 食既野已经FIX左, D WAITER 连佢地原有既MENU都冇俾我地睇. 所以我都唔知呢间餐厅重有咩野食.首先黎既系冷盘, 有生蚝, 虾, 青口等海鲜, 质素算OK, 都唔会预期佢系突出. 我觉得合格. 不过朋友就觉得唔够新鲜之后再上个龙虾汤, 可以用"灾难"黎形容. 由于本人一向都好钟意饮西汤, 龙虾汤更系我既最爱. 平时饮既龙虾汤都系好香, 但呢间餐厅完全冇香味. 之后饮落去重要系好咸, 上面好油, 重好多沙. 以我对龙虾汤既认识, 应该唔会沙到咁....唔知重以为自己饮紧红豆沙....非常唔掂 餐包一般, 唔算太差, 但都唔系好好食.之后上主菜, 同个朋友SHARE, 一份T骨牛扒, 一份黑松露意大利饭 (唔太肯定个名, 系有好多菇既饭)牛扒好薄, 老实讲, 同我以前读书时食30蚊个牛扒饭盒有得FIGHT, 加上成块都系筋咁滞, 可以食既地方好少... 个意大利饭外表比较正常, 但口感好散, 意大利饭应该系比较黏, 好香, 好吸引人去食, 但呢间餐厅既口感散到有D似湿左后有D黏既炒
先讲食品质素, 因为我地系团购, 食既野已经FIX左, D WAITER 连佢地原有既MENU都冇俾我地睇. 所以我都唔知呢间餐厅重有咩野食.
首先黎既系冷盘, 有生蚝, 虾, 青口等海鲜, 质素算OK, 都唔会预期佢系突出. 我觉得合格. 不过朋友就觉得唔够新鲜
之后再上个龙虾汤, 可以用"灾难"黎形容. 由于本人一向都好钟意饮西汤, 龙虾汤更系我既最爱. 平时饮既龙虾汤都系好香, 但呢间餐厅完全冇香味. 之后饮落去重要系好咸, 上面好油, 重好多沙. 以我对龙虾汤既认识, 应该唔会沙到咁....唔知重以为自己饮紧红豆沙....非常唔掂 餐包一般, 唔算太差, 但都唔系好好食.
之后上主菜, 同个朋友SHARE, 一份T骨牛扒, 一份黑松露意大利饭 (唔太肯定个名, 系有好多菇既饭)
牛扒好薄, 老实讲, 同我以前读书时食30蚊个牛扒饭盒有得FIGHT, 加上成块都系筋咁滞, 可以食既地方好少... 个意大利饭外表比较正常, 但口感好散, 意大利饭应该系比较黏, 好香, 好吸引人去食, 但呢间餐厅既口感散到有D似湿左后有D黏既炒饭....味道平平
最后既甜品系tiramisu, 好鞋口, 完全唔系tiramisu既应有既口感....
食品唔得, 估唔到连服务都咁差!
起初我地行到入去间店, 眼见几个WAITER/WAITRESS 行行企企, 见到我地都唔会上黎招呼. 要我地叫佢地先肯带位. 我就当佢地专门带位果个行开左, 咁都应该理下我地, 唔系由得D客企系门口呆企吧?! 餐包又上漏, 都算系小事. 最唔得既系有个WAITER就企系我侧边, 我朋友同我打对面坐, 叫左佢几声, 都唔睬人. 之后唯有大声D叫佢, 佢就摆出一个好唔耐烦既样黎问"有咩事", 今时今日你咁既服务态度点得?! 基本上成间餐厅既WAITER/WAITRESS都唔系好识理人....除左一个比较大年纪小小, 我估佢系MANAGER, 所以先有番D服务态度. 我地都唔系有好多要求, 只系好简单咁想叫个人收左D碟, 叫个人上D甜品, 上饮品, 都好似俾左额外功夫佢地做, 搅到好唔耐烦咁...真系唔知发生咩事!!!
呢一餐食得真系好唔抵...团购左都重要+收每位40几蚊服务费, 唔觉得佢有俾到D咩服务我地...好失望...
张贴