Outback Steakhouse (荃灣廣場)

营业中

休息中

每次嚟呢间餐厅都系因为想食佢个松软、有淡淡甜味的黑糖面包，真系百食不厌。今日餐汤系蔬菜汤，第一次饮呢个汤，但味道唔系咁好，好淡味，一点菜味都无，只饮到浓烈嘅胡椒粉味。主菜叫咗个黑毛猪扒$128，果两块扒煮到又鞋又靭，又无味，好似食香口胶咁，真系天下无敌。跟排嘅饭系又冻又硬，系煮咗一大锅，客人要就毫无番热咁放上碟。最近两次食佢嘅饭都系咁嘅情况，真系好失望😞！今次真系食得唔开心，觉得餐厅好唔尊重食客，比咗百几蚊竟然食到差过快餐店嘅食物。最后好彩饮到杯豆味平衡、香浓嘅美式咖啡。.老实讲，餐厅嘅食物水准已经较早年差咗，真系要尽快改善一下！