居食屋「和民」 (1亞太中心) (已結業)

话说同屋企人一路都好钟意去和民食，起码帮衬左十年，而我同妈妈都有和民卡，每年生日都会有优惠卷（现金卷），今次亦都系因为有优惠卷，所以又去帮衬喇。由于我地一家人都食左好多年，因此基本上每次都会叫番个d最钟意既食物。和民沙律 - 以前用鸡肉，而家转左蟹柳。个汁都转左，以前个只好好多。整体黎讲，少左好多料，感觉求其左好多。黑椒糖脆鸡翼 - 以前系单骨鸡翼，而家系普通炸鸡翼，比以前油左，都系觉得好求其。豪华寿司盛合 - 我觉得okay既，但屋企人都系话差左。和风Pizza - Pizza 皮变左印度簿饼个只，同加多左好多芝士，以前个个脆好多冇咁heavy。重有以前个pizza系圆形，而家系不规则，好求其咁。加上拎黎既时冇切，要问先俾把刀我切，以前会切开四块，再随碟有刀，相比之下，而家真系好拿西！天妇罗盛合 - 冇特别，炸粉同里面既野食基本上一咬就可以分离，亦唔叫炸得脆。鲭鱼烧 - 最正常既一款！牛肉寿喜烧（牛肉锅）- 其实牛肉锅既汤底系好普通既甜匙油，我唔明白点解可以好似冇味咁。牛油焗帆立贝 - 正常总括黎讲，大部分食物质素下降，服务下降。我地应该唔会再食，就算有生日优惠卷都系咁话。