屋子 (已結業)

由大围和将军澳屋子我都有支持，一直觉得屋子是一间悠闲的cafe，食物质素不嬲都有啲期望，但是食完呢一餐真系非常失望，服务同食物以为自己去咗茶记。今次叫咗个寿喜烧牛肉锅同蕃茄奶油炖鸡，寿喜烧个汤完全冇寿喜烧嘅味道，比较似昆布高汤，而且牛肉得面𠮶几块系完整，下面啲牛肉似系用剩嘅碎料，，可以睇下图另外，蕃茄炖鸡个汁味道几中和，但系啲鸡比较似系烚完再摆返落去捞，鸡肉唔系好入味，对呢个𩠌都几失望。第三，本身个餐包埋甜品，但系原来甜品就系一大杯cream再加几粒海绵蛋糕，啲蛋糕粒似系整完甜品之后整返落嚟嘅料，个甜品俾人感觉超级求其…喺侍应态度方面，之前嚟屋子都有班后生嘅店员，一直都感觉非常良好。但系今次嚟全部变晒一班中年大婶，唔系话唔支持佢哋出返嚟做嘢，但系比我嘅感觉就好似去咗茶餐厅咁，当众对同事大声呼呼喝喝，叫佢哋落单嘅时候其中一个同事很不情愿，要我哋等佢另一个同事帮其他两台落完单先到我哋。再者，到我哋差唔多食完，但系仲有个甜品未食嘅时候，有个职员即刻过嚟收走成个餐盘，其实去cafe食嘢使唔使咁赶呢？咁同佢食快餐店其实冇乜分别。希望屋子可以改善吓佢哋啲态度，完全冇晒去cafe嘅感觉。