NUTTEA (海光街) (已結業)

难得黎到鲗鱼涌咁远，见到呢间nuttea好似几出名，决定食完饭去买杯野饮先🤤睇相觉得啲相好靓，沿路行见到有茶汤会、一芳、coco espresso等，最后都坚持去到nuttea。不过有个现象，就系间间都多人排，唯独呢间冇乜人排。但因为我想试伯爵朱古力坚果茶既决心太大，所以都系买左～.见到佢餐牌，呢杯伯爵朱古力茶有3粒星推荐，好期待！.杯野真系几靓，配左一枝羹食下面头啲奶盖，枝羹好靓😹首先讲下啲奶盖，有啲咸，有坚果既质感（粗糙啲），好厚，好似食紧好厚既朱古力味cream，冇cream咁滑。不过本人唔钟意食cream，但平时稀啲既芝士咸香奶盖可以接受，所以佢啲朱古力奶盖咁厚有啲surprise。.试下个茶先！因为我本身都好钟意饮茶，伯爵茶既味不嬲好浓，谂住呢杯都一样，点知好淡😧伯爵茶都冲到咁淡，好悭皮㖞，呢个淡既程度究竟加左几多水😹钟意浓啲茶味既朋友就唔建议啦，钟意淡淡茶香可以拣！.奶盖同伯爵茶既组合真系麻麻地，个奶盖好厚，啲茶好淡，一齐饮就好似有旧野系你个口到浮游，感觉好不安😖想挑战下呢种感觉欢迎拣呢个3粒星既伯爵朱古力坚果茶。