百味堂 (已結業)

饮完珍珠奶茶之后，过咗隔离街希慎广场𠮶边食雪糕，本来想入商场行街，因为唔系好想系街到晒！结果一上第一层就见到百味堂超级兴奋！其实系我同事比较兴奋，我之前喺网上面见过类似造型嘅雪糕，但系唔知系乜嘢品牌，今次长知识了，原来系百味堂我见几个牌都有写住 「阿萨姆奶茶雪糕」～ 我自己本身又好钟意饮奶茶，所以就好好奇究竟奶茶系点样做雪糕嘅 价钱有啲贵！所以极希望出嚟嘅雪糕好食～等咗大概2分钟都冇，就已经整好左最令我surprise既系，阿萨姆奶茶竟然系流质既 我吓咗一跳，以为佢比错咗！但系原来特色系咁样🙈 我即刻好担心，因为唔识食🤣🤣 我试左一啖奶茶，超级苦 好担心之际，朋友同我讲一定要同雪糕一齐食 我就食咗一啖雪糕，发觉雪糕系超级超级好食！奶味超级重，而且入口即溶！而且仲系溶得好快～两种好大分别嘅味道放喺一齐真系好神奇，超级有创意！我是将一啖奶茶再将雪糕一齐食，发觉奶茶变咗甜味，超级surprise!!食到最后，因为雪糕用得好快，成杯变咗做奶茶，完全唔苦，好似便利店买到阿萨姆奶茶嘅味道 所以真系好值得一试，好有惊喜咁，不过就价钱贵左少少，有啲唔舍得🙈