影片
更多
2018-08-26
553 浏览
从来都未有咁嘅冲动去写食评， 但系食完乐汤鸡之后真系忍唔住好想介绍畀好多好多人去支持佢。 上星期第一次去，去到系夜晚8点35分已经唔派飞 , 心谂咁早, 10点钟闩门点解8点35分就唔派飞呢 失望之际好彩有好心妹妹让张飞我，我太约等到9:10分就可以入去食， 睇咗餐牌后决定要咗个砂锅鸡汤翅，大约5分钟后热辣辣嘅鸡汤翅加米线已经到， 闻到浓浓嘅鸡汤味已经流口水，即刻先饮一啖汤，真系好浓郁， 呢度啲鸡系好滑，米线又吸晒啲鸡汤好入味， 好快已经成锅食哂，再叫个小食盐水鸡肾, 可能我偏好小小辣，所以如果我下次再叫嘅话会试下叫麻辣鸡肾。 临走嘅时候仲唔买咗佢哋特别泡制嘅醉鸭舌，好入味， 分量都足够宵夜慢慢叹。 买单时我问工作人员点解咁早唔派飞，佢哋解释因为鸡已经买哂如果唔想大家唔想排队排咁耐，工作人员提我最好4:00-6:00到。过多几日心思思忍唔住放工再去试， 今次大概6点15分就已经到啦, 唔洗排队，试咗砂锅云鸡刀削面同样都系好出色另外再外卖半只药膳醉鸡返屋企慢慢叹，同样好滑好多肉，酒浓度啱啱好。隔日我又介绍朋友一齐去，今次7点45分到，要等差唔多45分钟先可以入去，我再试砂锅鸡汤翅但系配米
过多几日心思思忍唔住放工再去试， 今次大概6点15分就已经到啦, 唔洗排队，试咗砂锅云鸡刀削面同样都系好出色另外再外卖半只药膳醉鸡返屋企慢慢叹，同样好滑好多肉，酒浓度啱啱好。
隔日我又介绍朋友一齐去，今次7点45分到，要等差唔多45分钟先可以入去，我再试砂锅鸡汤翅但系配米粉， 谂住米粉会好快索晒啲汤淋晒一pat，点知食到最后都好爽，所以我推介系配米粉一流。 最重要系饮完晒成个汤都唔会觉得口干
写到嚟呢度，其实都有私心，如果介绍咁好会有好多人去， 排队入去食嘅时间会更长，不过真心想好味嘅食店可以继续做落去，希望多啲人食到有心人煮嘅食物。
最后想讲呢度老板，小妹妹员工都好nice
张贴