竹 (已結業)

又到八月份生日月，見到1957 Group 會員有個買1送1鐵板燒晚餐，圍起黎加埋一都係$1000一個人，仲要有Bar枱坐，咁就決定去果度慶祝生日🎂。個餐一共有多過7款菜式，而有一半都係廚師👨‍🍳係你面前即煮即食🤤。望住佢係鐵板上面煮新鮮嘅食材真係好似表演咁，食落特別好味😋。特別要一讚係佢個鮑魚同藍龍蝦🦞。鮑魚新鮮得黎非常有口感，伴埋個肝醬，令到鮑魚嘅鮮味更加出😋。另外，藍龍蝦係煮果時仲識郁，所以食落份外鮮味😋。我本身見啲人話呢問性價比底（我朋友食過都咁講），我覺得只限於omakase餐（聽講啲魚生serve個時仲好冰😖），而鐵板燒餐絕對係性價比高，非常之抵食又好味😋（仲要好易book到bar枱）。