牛壹台食 (已結業)

一阵仲要开会，都要食左饭先得，就系湾仔附近揾野食，面对轩尼诗道，呢间牛壹台食系台湾面都好㖞！好彩时间尚早，啱啱好有位。好，坐低睇下有咩好食先。招牌红烧牛腱心牛肉面，个汤底都几浓郁，有牛味，牛腱心牛肉好厚肉但都好软腍，中间隔住啲脂肪和软筋，食落口感丰富。拣左鲜制幼面，食落爽口弹滑，又索到汤味，而且份量都唔少，几抵食。金凤梨绿茶加珍珠，夏天热辣辣，呢个饮品好清爽，少少甜，绿茶又清香，加左珍珠有得咬咬下。