鳳城酒家 (已結業)

嚟到呢度一定要食佢招牌嘅猪仔脚~胶而不腻。好好味。咸嘅大良炒奶。又香又滑又唔油霖霖。吞落肚就好似吞左一笃痰落肚咁 ~简直就系顺。炒鱼肚，鱼肚经过炒住之后好胶著。虾锅贴，就祇不过系，一只虾下边加块多士，其实好普通不过一定唔难食，系几好味！相传梅菜扣肉最好食，要将扣肉七雪七蒸。令到里面嘅油份蒸晒出嚟又可以保持到肥肉嘅质感。喱一碟我估都做到一半嘅效果啦。以前食开唔够饭一定食唔落，喱一碟，一碗饭就搞得掂啦~非常好味！正！最后不得不说，就系佢非常之好嘅服务嘅金毛仔部长啦！我地由开始食倒到埋单都祇不过系用咗一个钟头时间，隔离台仲比我地早食，仲比我地迟走.....点解？因为我地一个钟头内，就已经食到好似七成咁嘅样...佢见到就已经一路问我哋走得啦可？都应该差唔多埋单啦系咪啊？唔好意思因为太多人等所以你地几时埋得单？我答咗一句咁我地食快d啰....咁佢五分钟都唔够就自己罗咗我地张单出去埋单！佢讲咩样做我都真系有d想同佢埋单！中途仲一路撩我个仔讲野，又懒系讲啲笑话但又冇人会同佢笑......做得非常低庄，超级黑人憎......！如果要评价服务态度连OK我都俾唔落手啊！出到门口，一个人都无边个等位啊