Pancake House HoiHoi (Megabox) (已結業)

来自名古屋嘅人气pancake店HoiHoi Pancake House，今年嘅年头嚟咗香港开设分店，但由于人气太高，一直都系排哂长龙。今日过开Megabox，见唔系咁多人排队，机会终于都嚟喇。HoiHoi除了pancake同甜品，都有供应以和式洋食为主嘅食品。不过依啲就留返下次喇，入得嚟就当然系食佢哋最出名嘅pancake啦。冲绳芒果梳乎厘班戟空气感十足嘅梳乎厘班戟，班戟松软厚弹，入口蛋香味丰富。配上幼滑忌廉，仲有非常香甜嘅冲绳芒果同芒果酱，味道好夹好好味。夏威夷果仁忌廉夏威夷班戟 班戟质感独特，松软带烟韧感，同梳乎厘班戟有明显嘅分别。忌廉搽满哂喺班戟上面，面头再洒上果仁碎，多一层嘅口感。加埋忌廉同香脆嘅夏威夷果仁，味道层次丰富。而且忌廉完全唔觉得腻。焦糖沙冰大大杯嘅沙冰，嘅有奶香，亦有焦糖香味。份量比例配合得好好，两者味道好平衡。手冲浸泡式精品咖啡完全唔使好似陈豪咁识冲咖啡，倒啲水入去，等三分钟，再㩒粒制就就有得饮。咖啡入口顺滑，隐约有阵士多啤梨同朱古力味嘅after taste。唔错。